Epai batek aitortzen du "KRÜGER TECHNOLOGY SL" enpresako langile ohi baten emaztearen alarguntza-pentsioa amiantoaren eraginpean egoteagatiko gaixotasun profesionaletik eratorria dela

Iruñeko Lehen Auzialdiko Auzitegiko Lan Arloko Atalak baietsi egin du BIDELAGUN Fundazioaren  zerbitzu juridikoek jarritako demanda, eta, ondorioz, onartzen du hildakoaren emaztearen alarguntza-pentsioa amiantoaren eraginpean egoteagatiko lanbide-gaixotasunaren kontingentziatik datorrela.

Enpresaren jarduera nagusia garbiketa-makinak saltzea, banatzea eta konpontzea zen (hidrolinpiagaiu makinak, harraskatzeko makinak, ekortzeko makinak, etab.), eta hildakoak mekanikari lana egiten zuen, hidrolimpiagaiu makinak konpontzeko lanak eginez; besteak beste, amianto-plakak osatzea.

Enpresak bere jardueran amiantorik erabiltzen ez zela esaten saiatu arren, epaiak bere egiten ditu ISPLNren -Nafarroako Osasun Publikoko eta Lan Osasuneko Institutua- argudioak, eta adierazten du saldu eta konpontzen zituzten hidrolimpiatzeko makinei "amianto-juntura bat jartzen zitzaiela babes gisa, amiantoa oso material egokia baitzen sugarraren tenperatura altuak jasateko".

Epaiak dioenez, gainera, "plantxak manipulatu, moztu eta zulatzeak hautsa eta amiantodun materialen hondakinak sortzen zituen, eta horrek zuntzen eraginpean jartzea eragiten zien langileei", eta lan horiek 1999. urtera arte egin ziren, gutxi gorabehera.

Agente kantzerigeno horren aurkako babesari dagokionez, epaia suntsitzailea da, frogatutzat eman eta adierazi baitu, besteak beste, langileek ez zutela maskararik erabiltzen, eta ez zitzaiela jakinarazi amiantoarekiko esposizioak zekarren arriskuari buruz ".

Hori guztia oinarri hartuta, epaiak deklaratzen du demandatzaileari aitortutako alarguntza-pentsioa lanbide-gaixotasunaren kontingentziatik datorrela, horrek dakartzan ondorio ekonomikoekin, eta GSIN 20.333,16 euroko oroharreko kalte-ordaina ordaintzera kondenatzen du.

Gainera, epai horrek bidea irekitzen du orain enpresari erreklamatu ahal izateko segurtasun-neurririk ezagatiko prestazioen errekargua eta hildakoaren alargunari eta alabari kalte-galerak ordaintzea.

BIDELAGUN Fundazioak, pozik hartu du epaia, amiantoaren biktimei egiten zaien errekonozimenduagatik. Ildo horretan, ohartarazi behar da amiantoarekin kontaktuan egotetik eratorritako lanbide-gaixotasunak gero eta ugariagoak direla eta ia dimentsio pandemikoak dituztela, hori guztia kontrol publiko nahikorik ez izateagatik eta joan den XX. mendean enpresek segurtasun-neurri erabatekorik ez izateagatik.

Bestalde, horrelako patologien latentzia-aldia -ia guztiak kantzerigenoak- 30 urte ingurukoa denez, ikusezin bihurtzeko eta lan-giroarekin ez konektatzeko joera duen fenomeno baten aurrean gaude. Hori dela eta, BIDELAGUN Fundazioak erakunde publikoei eskatzen die behar adina baliabide eslei ditzatela gaitz hori arintzeko, eta hori ez da lortu Amiantoaren Konpentsazio Funtsarekin aurrekontuan jasotako zenbateko urriekin.