IBERDROLA S.A hildako langile baten familiari 209.723 euro ordaintzera kondenatu dute kalte-ordain gisa

Justiziak arrazoia eman dio berriro Bidelagun Fundazioari. Ebazpen judizialak berretsi egiten du lanbide-gaixotasunaren ondoriozko kontratu-erantzukizunari buruzko prozeduran emandako instantzia-epaia.

Hildako langilea amiantoarekin harremanetan egon zen egunero 1977tik 1990era arte, bai Lemoizko Zentral Nuklearraren lantokian, bai Santurtziko Zentral Termikoan eta Pasai Donibaneko Zentral Termikoan. Amiantoz estalitako lantoki horietako instalazio elektrikoen mantentze-lanak eta konponketak egiten zituen. Langileak kableen estaldurak moztu behar zituen, eta, ondorioz, amianto-zuntzak xurgatzen zituen. Amiantoa enpresako instalazio elektriko batzuetan zegoen.

Enpresak ez zuen beharrezko neurririk hartu arriskua prebenitzeko edo saihesteko. Enpresak ez du frogatu bere erantzukizuna baztertzeko  edo gutxitzeko faktorerik. Hildako langileak lan egiten zuen lantoki batzuetan amiantoarekiko esposizioa lanbide gaixotasun bat eraginez, kontserbazioa-ofizial eta zentral termikoetan muntatzaile elektriko gisa eta substantzia harekin egunero kontaktuan aritu zen bere lanean.